韓式靑瓜泡菜

某日响超市用咗0.38歐買咗3.2kg靑瓜仔，本來想用部份醃酸靑瓜。
後來想想，這裡酸靑瓜太平啦，隨時買到。
韓式泡菜就唔同啦，好食嘅超貴，況且好耐冇整啦，還是決定做韓式靑瓜泡菜。
靑瓜1.2kg洗淨用2湯匙鹽醃3-4小時，再沖幾次水，洗走所有鹽。

蒜頭15粒、薑8片、葱3條、蘋果1個去皮切件、洋葱1個去皮切件、魚露6湯匙、韓式紅辣椒粉6湯匙、糖4-5湯匙、冷飯1碗、水半杯，用攪拌機攪碎所有材料，試味。

加入所有調味及靑瓜拌勺。

入玻璃樽/盒，再入冰箱雪數小時。

食得！好爽脆！泡菜可以放在冰箱慢慢食，不過因為發酵，味道會慢慢變酸，菜亦會慢慢變軟身。

我不太愛酸及軟嘅泡菜，所以我通常不會久放。

有沒有發現我做了很多醬？是的，因為個醬可以「翻漬」。
吃完第一次， 醬內加多點魚露、韓式紅辣椒粉同糖，便可以再漬一次。